EZA NA KA NA
ISYAKU BALA IBRAHIM
Ebatin Chibok tin be woro è
Efo na à bi egimakantazhi ezhi nana na
na ma yi etswafo gwegi din nìní
Nyá etswa-ènici nasara na
Egizhi tí nyamanci à zhi kpamu tí makanta lo
‘Ye è lo ì zhin’ a gan ò
Èzhin ci be à nàyé hari wun à ma éyékodo
Makanta na a kpe elo
A ci kpe ezhin à na gá dan ò na
Kila gbugbukecizhi de èyè à nyi ò?
Banvózhi à ezhi nana la dingbaro
Keyasácizhi na nna à zhi ma à ge à na
Nazhi è wú nyana de gbèrè kin babo à na
Nazhi è din tukpadèdè eti katun – nasara jin ò na
Egizhi à gbinti dan kuso Sambasi ò
A gan na ò re
Kuso na a gan woncin gán kin Najeriya na
Edzòshicizhi è mámi kafu
Nyado ma ye jin à danna
Zunyecinbo be ganmánázun nyá ekunguncizhi à lagba
A lugwa yi kpe gbóró nyana è lo nyi na à
Nyimi edzoshici gbégí cincinbo eginanazhi wú yizhe
Bacina wun à lalítici à zhi kandan na
Ngba! Kici yi à li li wó be nyi ò?
Keyasáci nanazhi à de yemà gán kin kpátá danna ni
Zhi à bò yi nyi ò?
Sòkó yi nyi à bá We
Ce yi wú egwa egiminá-nanazhi ò re…!
(BringBackOurGirls campaign)
No comments:
Post a Comment